ағытар ем кемелердің барлығын,
арқан,
жіптің бәрін қиып тастар ем,
Желкен біткен желбірер еді жел іздеп,
кеме біткен шығар еді теңізге,
соңдарынан қарап сонда қасқа мен
күлер ем-ау қарқылдап,
айқайлар ем қарлығып:
еркіндеңдер, еркіндеңдер кемелер!
Құдірет-күшім жетсе менің, шіркін-ай,
Жинар едім әлемнің бар сәбиін,
қанат жасап қарақаттың гүлінен,
сәбилердің иығына тағар ем.
Күнге қарай ұшырар ем барлығын,
соңдарынан рахаттана қарар ем,
күлер едім қарқылдап,
айқайлар ем қарлығып:
еркіндеңдер, еркіндеңдер сәбилер!
Содан кейін көкірегіме бір ұрып,
Өзімді-өзім ұғынып,
Жаса!– дер ем өзіме-өзім,
содан соң
шырт түкіріп кетер едім бұрылып.
САБАХАТДИН ҚҰДРЕТ АҚСАЛ
* * *
Көшеге шық ертемен, қолың жатсын қалтаңда,
ағашы көп жерлерді іздеп жүріп ал таңдап.
Арқалығында орындықтың қалсын бешпет
ілулі,
досың сенің кафеде күте тұрсын,
бүгінгі
жұмысыңды қоя-ақ қой – бір күн қалсаң
қайтеді,
көңілге өмір қанағат іздеу болса әйтеуір,
қанағатты қайдан тап – бәрібір ғой әйтеуір,
Көңіл-дағы сенің бір қарының ғой әйтеуір.
Міне, солай, солай бас,
анау талға сәлем бер,
құмарт мынау аспанға,
сын арт мынау әлемге.
Ағайынның халін біл,
терезесін бақыла...
Асықтың ба жұмысқа?
ТЕҢІЗ ЖАҒАСЫНДА
Жігіт отыр қармақ сап жағасында теңіздің,
Теңізден жұлдыз аулайды.
Аулайды ол бір-бірлеп,
тісіне салып қарайды,
Жүзі жарқын жігіттің,
жаны бірақ қараңғы.
Артындағы жолменен
бір қыз өтіп барады,
сылаң қағып қарады,
бұраң қағып қарады.
Дүниені өзінше
қайран ғылып барады,
әтір исі басыңды,
айналдырып барады,
Ал, жігіт ше?
Отыр ол жағасында теңіздің,
қызға назар салмайды,
теңізден көз алмайды.
Ыңылдай ма,
сөйлей ме,
өзімен-өзі міңгірлеп.
Жұлдыздарды аулайды
тұнық теңізден бір-бірлеп.
ТЕРЕЗЕ
Терезеден өңге ешкім,
көрсете алған емес маған мұнша анық,–
тіршіліктің сонша сұлу екенін.
Терезеден түнгі аспанды құшамын,
жұлдыздарды кезіп бір сәт кетемін.
Бір кетсем мен
енді қайтып келмеспін.
АДАМ ҮНІ
Жаз кезінде таң атады-ау сарғайып,
терезеңді ашасың ғой,
сонда бір,
жұпар ауа толтырады-ау бөлмеңді?
Сол бір жұпар, сол құпия, сол ғайып
бықсып тұрған бөлмеңе
Адам үні толғаны.
ӨТЕР КҮНГЕ БІР ӨЛЕҢ
Сәлем саған, жаңа күн!
Жұмбақ сәуле аспанда,
Жұмбақ түс бар теңізде.
Сәлем саған, жаңа арман,
құштарлығым өмірге.
Ал, атқаршы ісіңді:
пароходты бірінші,
самолетті бірінші,
жолаушыны бірінші
қарсылауға жүгірші!
Сәлем саған, жаңа күн!
Бірақ, достым, біліп қой,
Мұның бәрі саған деген үміт қой.
НЕДЖЕТИ ЖҰМАЛЫ
ҚАРДАҒЫ ІЗ
Қардағы жатыр іздері,
Құлап түскен жерге шейін оққа ұшып.
Жатыр сұлап, кім таниды өлікті,
Жоқ танысы, жоқ күші?
Олар үшін бітті бәрі, сағаттар
тоқтап қалған,
алары жоқ енді еске.
Олар үшін емес мынау түн-дағы,
тірлік те жоқ тірлік үшін белдескен.
Неменеге асқақтайды шыққан күн?–
Оларға енді бәрібір.
Күн не, түн не өлікке,
соқыр тиын қараңғың мен жарығың.
Алыс-алыс қалаларда қап қойған
сүйіктіңнің қажеті жоқ түкке енді.
Өлік үшін бітті бәрі түп-түгел,
бітпесе өмір тірілерге бітпейді.
Аштық пен шөл, кек пен намыс жоқ енді,
үзім нанды қызғанбай-ақ қойыңдар.
Тоңбайды олар, керегі жоқ киімнің,
қылмыс та жоқ енді олар мойындар.
Ең әдемі оты-дағы маздақтың
жылыта алмас енді олардың бүйірін.
Естімейді қанша айқайла, –
Жыла, туыс, ағайындар иіріл.
Доспысың сен, қасқырмысың, жаумысың –
айырмайды біріңді.
Олар үшін самолет не, кеме не –
немене?
Бітті бәрі. Бәрі де
«өлді» деген жалғыз сөзге ілінді.
ҒАШЫҚТЫҢ ТҮСІ
Терезеден айқай салам түн сайын:
– Сүйем сені, естисің бе, қайдасың?
Арамызда қонақ үйлер,
көп қатарлы дүкендер,
ығыстырып қойып, сені іздеймін,
сені іздеймін түн сайын.
Арамызда теңіздер мен кемелер,
Кеме мінем,
жаяу жалғыз су кешем.
Самолетке ай астында көрінген
Жармасамын, бұлттарды ашып-ашып қап
жүрем ылғи сені іздеп –
ғашықтығым емей саған немене?!
ОСЫНДАЙ ЕЛДІ СҮЙЕМІН
Сүйем мынадай елді:
аспаны көк, жапырағы жап-жасыл,
гүлі қызыл, құсы көп.
Сүйем мынадай елді:
қайғысы мен қазасы жоқ бір атым,
адамдары тату-тәтті тұратын.
Сүйем сондай елді мен:
«сен», «мені» жоқ, бай, кедейі жоқ тағы,
қыста үйі, сәбиінің күртесі бар мақталы
Сүйем осындай елді:
өмірінен өзге асылы жоқ елді,
өлімінен өзге азасы жоқ елді.
НЕУЗАТ ҰСТҰН
СҰРАҚ
Дән де бір ер
топырағында өзінің.
Өзен бір ер
арнасында өзінің.
Кетед