Жарық!
Көрем сені жанарынан тамшының,
шешендердің таңдайынан көрем мен;
Көрем сені көмейінен әншінің,
ал, кейде бір... туып кеткен өлеңнен.
Көрем сені күлкісінен сәбидің,
соған деген мейірінен ананың.
Тұтанған от ошағында әр үйдің,
саған, саған келе берер қарағым.
Көрем, көрем! Көру-дағы өзгерер,
Жарық, жарық, көрем сені құнығып..
Көрінбейтін жарық болса көзге егер,
Оның да аты – жылылық!
1965
