Қара бұйра сел алса,
Қара вагон толып шығар біртіндеп.
Қара толқын аяқтарға оралса,
Мотор-жүрек соғып кетті зіркілдеп.
Қараңғыны шаммен іреп жүр кеме,
бақытты еді шам қандай!
Екі-үш адам сәл жантайса іргеге,
екі-үш үйдің оты сөніп қалғандай.
Екі-үш бұлшық тулап кетсе толқын боп,
мың-сан көңіл рақатқа батады.
Екі-үш тамшы тер төгілсе мөлтілдеп, –
жылынар деп бүкіл байтақ Отаным.

1965