Көйлек кір-кір,
қалайша
кірлеу емес – тозғаны
Шешем байғұс жамау сап,
алатын бір қозғалып.

Есімде жоқ қой менің,
етік қалай тесілді.
Есімде жоқ көйлегім,
тек жамауы есімде.

Өйткені ол баттиып
көз алдыңда қалатын:
қара жамап, ақ киіп –
үсті-басың ала-құла болатын.

Көйлек жуу... сергелдең –
жамаулардың өрнегі;
жуылғанын көргенмен,
жайылғанын көрмедім.

Қыстың мұзды суына
түспедің не, түстің не:
шылапшында жуылып,
кепсе көйлек үстіңде.

Көйлек тозғыш, қалайша
жамалғаны – тозғаны:
шешем тағы жамау сап
Қоятын бір қозғалып.

1967, 1982